Á milli þess sem leikmenn mæta á æfingar og spila leiki á EM er mikill tími sem fer í að hanga á hótelinu.
Antoine Griezmann, sóknarmaður franska landsliðsins, hefur greint frá því að hann drepi tímann með því að spila tölvuleikinn Football Manager.
Hann tók við liði Arsenal í leiknum og gerði liðið að enskum meisturum auk þess sem liðið vann Meistaradeild Evrópu með félaginu.
Það sem vakti kannski meiri athygli er að hann sagðist hafa keypt Romelu Lukaku frá Everton til að leiða sóknarlínuna í stað samherja hans hjá franska landsliðinu, Olivier Giroud.
Griezmann og félagar í franska landsliðinu mæta Íslandi í 8-liða úrslitum EM á sunnudag.
Athugasemdir