Ingólfur Sigurðsson, leikmaður Fram, mun ekki ganga í raðir Volendam í Hollandi samkvæmt miðlum þar í landi.
Volendam bauð Ingólfi út til æfinga en félagið er í leit að hægri kantmanni.
„Ingólfur er frábær leikmaður,“ sagði Misha Salden, yfirmaður knattspyrnumála hjá Volendam, við RTV Sports.
„Hann er miðjumaður sem hefur einnig spilað á kantinum í gegnum tíðina. Í okkar huga er hann enginn kantmaður, heldur miðjumaður. Við ræddum saman í dag og vorum sammála um að taka málið ekki lengra. Það var þess virði að prófa þetta.“
Ingólfur þekkir vel til í Hollandi en hann hefur tvisvar sinnum leikið með Heerenveen.
Athugasemdir