fös 01. júlí 2016 12:50
Þorsteinn Haukur Harðarson
Newcastle kaupir tvo leikmenn (Staðfest)
Dwight Gayle spilar með Newcastle næsta vetur.
Dwight Gayle spilar með Newcastle næsta vetur.
Mynd: Getty Images
Eftir fall úr ensku úrvalsdeildinni í vor er Newcastle farið að undirbúa sig fyrir komandi átök í Championship deildinni á næsta tímabili. Liðið festi kaup á tveimur leikmönnum í dag.

Leikmennirnir sem um ræðir eru framherjinn Dwight Gayle og vængamaðurinn Matt Ritchie.

Gayle kemur til Newcastle frá Crystal Palace á tíu milljónir punda en þessi 25 ára gamli leikmaður hefur skorað 26 mörk í 74 leikjum með Palace síðan hann kom til liðsins árið 2013.

Ritchie er síðan 26 ára og spilaði stórt hlutverk í liði Bournemouth sem hélt sæti sínu í úrvalsdeildinni í fyrra. Hann kostar Newcastle tólf milljónir punda.

Báðir semja þeir við Newcastle til fimm ára.
Athugasemdir
banner
banner
banner