Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 01. ágúst 2015 11:45
Guðmundur Aðalsteinn Ásgeirsson
Heimild: ESPN 
Remy: Ég vil spila meira og skora fleiri mörk
Loic Remy
Loic Remy
Mynd: Getty Images
Loic Remy, leikmaður Chelsea, stefnir á að vera í stærra hlutverki hjá Englandsmeisturunum á komandi tímabili.

Remy gekk til liðs við Chelsea síðasta sumar frá QPR en náði ekki að vinna sér inn sæti í byrjunarliðinu, þar sem að Diego Costa var fyrsti kostur í framherjastöðuna.

"Ég vil leggja allt sem ég get til liðsins og gera meira á þessu tímabili en því síðasta, þar sem ég held að þetta tímabil verði erfiðara," sagði Remy.

"Þannig að allir leikmennirnir verða að vera betri en á síðustu leiktíð og ég vil einnig vera betri, spila meira og skora fleiri mörk."

Hinn 28 ára gamli Remy kom við sögu í 21 leik á síðasta tímabili og skoraði í þeim sjö mörk.
Athugasemdir
banner