Landsliðsmaðurinn, Birkir Bjarnason, lék síðustu 20 mínúturnar í öruggum 0-3 sigri Basel á Sion í svissnesku úrvalsdeildinni í dag.

Birkir kom inn á sem varamaður á 70. mínútu, skömmu eftir að Adama Traoré hafði komið Basel í 0-2.

Basel er með fullt hús stiga á toppi svissnesku deildarinnar eftir þrjá leiki.

Birkir, sem kom til Basel frá Pescara fyrr í sumar, hefur leikið tvo deildarleiki með svissneska liðinu.

Auk þess lék hann allan leikinn þegar Basel vann 1-3 sigur á Lech Poznan í forkeppni Meistaradeildar Evrópu.