Danska félagið Bröndby hefur fengið framherjann Hólmbert Aron Friðjónsson á láni frá Celtic.
Lánssamningurinn gildir út þetta tímabil en Bröndby hefur einnig tryggt sér forkaupsrétt á Hólmberti.
Hólmbert á að fylla skarð hins hávaxna Simon Makienok sem fór til Palermo á dögunum.
Lánssamningurinn gildir út þetta tímabil en Bröndby hefur einnig tryggt sér forkaupsrétt á Hólmberti.
Hólmbert á að fylla skarð hins hávaxna Simon Makienok sem fór til Palermo á dögunum.
,,Hólmbert er hæfileikaríkur sóknarmaður sem við höfum fylgst með síðan hann spilaði á Íslandi," sagði Per Rud yfirmaður íþróttamála hjá Bröndby.
Hólmbert kom til Celtic frá Fram síðastliðinn vetur en hann er í íslenska U21 árs landsliðshópnum sem mætir Armeníu á Fylkisvelli á miðvikudag.
Hjá Bröndby verður Hólmbert liðsfélagi Daniel Agger sem kom til félagsins frá Liverpool um helgina.
Athugasemdir