Heimild: Javier Saviola
Javier Saviola.
Javier Saviola mun spila með ítalska félaginu Verona í vetur eftir að hafa skrifað undir eins árs samning í dag.
Þessi 32 ára gamli framherji var um tíma álitinn einn allra efnilegasti leikmaður heims og hefur hann meðal annars leikið með Barcelona og Real Madrid.
Saviola kemur til Verona eftir að hafa spilað með gríska liðinu Olympiakos á síðasta tímabili þar sem hann skoraði 12 mörk í 25 leikjum.
Það mun því ekki skorta reynsluna hjá Verona í vetur, en fyrir í hópnu eru meðal annars þeir Luca Toni og Rafael Marquez.
Athugasemdir
