,,Þetta var stórkostlegt. Við ætluðum okkur þessi þrjú stig því stefnan hjá okkur er að enda eins ofarlega og við getum og sanna og sýna að við eigum heima í hópi þeirra bestu. Við erum bara mjög ánægð," sagið Ragna Lóa Stefánsdóttir þjálfari Fylkis eftir 2-0 sigur á Val í kvöld.
Lestu um leikinn: Fylkir 2 - 0 Valur
,,Þær hefðu alveg getað náð sér í flott færi og skorað því þær eru með frábært lið og nokkra landsliðsmenn sem geta gert stórkostlega hluti. En við vorum bara sterkar í kvöld og nýttum okkar færi sem var kominn tími til."
Að lokum hafði Ragna Lóa skýr skilaboð til Eddu Garðarsdóttur aðstoðarþjálfara Vals.
,,Því ég veit að þetta pirrar Eddu þá ætla ég að segja; ég var með miklu, miklu flottari húfu en þú Edda. Ég vann þá keppni í kvöld."
Athugasemdir