Coates alsæll í búningi Sunderland.
Varnarmaðurinn Sebastian Coates hefur gengið í raðir Sunderland á lánssamningi frá Liverpool í eitt ár.
Þessi 23 ára úrúgvæski landsliðsmaður er áttundi leikmaðurinn sem Sunderland fær þetta sumarið.
Þessi 23 ára úrúgvæski landsliðsmaður er áttundi leikmaðurinn sem Sunderland fær þetta sumarið.
Coates kom til Englands 2011 frá Nacional og lék 24 leiki fyrir Liverpool áður en hann var lánaður aftur til Nacional síðasta tímabil. Hann á 15 A-landsleiki að baki fyrir Úrúgvæ og var valinn besti ungi leikmaðurinn í Suður-Ameríku bikarnum 2011.
Hann lék með Úrúgvæ á HM í Brasilíu í sumar.
Annars er það að frétta úr herbúðum Sunderland að varnarmaðurinn Valentin Roberge hefur verið lánaður til Stade de Reims í Frakklandi í eitt ár. Þessi 27 ára leikmaður hefur leikið 13 leiki fyrir Sunderland.
Athugasemdir
