Líklegt er talið að Danny Welbeck fari til Tottenham á lánssamningi frá Manchester United. Sóknarmaðurinn hefur áhuga á að ganga í raðir Lundúnafélagsins.
United var búið að tilkynna Welbeck að honum væri frjálst að yfirgefa félagið ef hann vildi. Helst vilja þeir þó ekki að hann fari í lið sem er í toppbaráttunni.
Þar sem Radamel Falcao er væntanlegur á Old Trafford í dag mun United þó líklega leyfa Welbeck að fara til Spurs.
Welbeck vill spila sem fremsti maður en Louis van Gaal hafði ekki hugsað hann sem fremsta mann í 3-5-2 leikkerfi sínu.
Tom Cleverley er líka frjálst að yfirgefa United en hann gæti verið áfram hjá félaginu út tímabilið þar til hann verður orðinn samningslaus í maí.
Athugasemdir