Björn Pálsson var að vonum ánægður eftir að Víkingur Ólafsvík tryggði sér sæti í Pepsi-deildinni og sigur í 1. deild í leiðinni með sannfærandi 7-2 sigri gegn Grindavík í kvöld.
Lestu um leikinn: Grindavík 2 - 7 Víkingur Ó.
„Þetta var mjög gott. Við vissum að við gátum komist upp en eftir úrslit helgarinnar gátum við unnið deildina líka og það hjálpaði okkur að kýla okkur upp," sagði Björn við Fótbolta.net.
„Ég held að við höfum verið pínulítið spenntir. Ég skil alveg mistökin á bakvið fyrsta markið en við vorum pínu spenntir."
Víkingur Ólafsvík fór upp fyrir þremur árum en liðið var enn meira sannfærandi í ár.
„Nei, við erum náttúrulega að vinna deildina og það er mjög gaman. Gull er skemmtilegara en silfur og þetta er sannfærandi hjá okkur, og það er búið að vera mikill stígandi í liðinu í sumar."
Björn ætlar að ræða samningamál við Víkinga að tímabili loknu og virðast ágætis líkur á að hann taki slaginn með liðinu í Pepsi-deildinni.
„Við Jónas og Ejub tölum saman og reynum að finna einhvern flöt á þessu," sagði Björn að lokum.
Athugasemdir