Landsliðsnefnd Íslands með Rúnar V. Arnarson í fararbroddi á æfingu Íslands í morgun. Þeir fengu íslenskan þorsk í hádegismat með landsliðinu í gær.
Hluti af undirbúningi íslenska landsliðsins hér í Amsterdam er að maturinn standist gæðakröfur fyrir þennan stóra hóp.
Að þessu sinni var leitað til Einars Björns Árnasonar, sem rekur veitingastaðinn vinsæla Einsa Kalda í Vestmannaeyjum og hann er með í för.
Einsi hafði með sér íslenskan þorsk og gaf liðinu í hádeginu í gær. +
Hann eldar reyndar ekki allt fyrir liðinu á liðshótelinu heldur passar upp á að allt standist kröfur.
Í gær var boðið upp á Fajitas með kjúkling og nautahakki annars vegar og hinsvegar flotta nautasteik.
Athugasemdir
