Sky Sports segir að spænska knattspyrnusambandið hafi ekki fengið gögn vegna félagaskipta David De Gea fyrr en 28 mínútum eftir að félagaskiptaglugginn lokaði í gær.
Spænska úrvalsdeildin hefur staðfest að gögnin komu ekki í tæka tíð. Manchester United heldur því fram að félagið hafi sent gögnin á réttum tíma en Real Madrid hafi klúðrað málunum.
De Gea hefur verið orðaður við Real Madrid í allt sumar og félagið náði loks samkomulagi við Manchester United í gær. Ekki náðist hins vegar að ganga frá pappírsmálunum í tæka tíð.
Real Madrid ætlar að ræða við FIFA í von um að hægt verði að koma skiptunum í gegn.
Spænska íþróttablaðið Marca heldur því hins vegar fram að það sé ekki möguleiki og ekkert verði af skiptunum fyrr en í fyrsta lagi í janúar.
Athugasemdir