Kári Árnason býst við erfiðum leik gegn Hollendingum í undankeppni Evrópumótsins næsta fimmtudag.
Ísland vann fyrri leikinn á Laugardalsvelli með tveimur mörkum gegn engu og yrði Kári mjög sáttur með eitt stig á Amsterdam Arena.
Ísland vann fyrri leikinn á Laugardalsvelli með tveimur mörkum gegn engu og yrði Kári mjög sáttur með eitt stig á Amsterdam Arena.
„Ég held að þeir verði nú aðeins grimmari í þessum leik þannig að ég held að þetta verði töluvert erfiðara heldur en þá," sagði Kári Árna við Fótbolta.net.
„Við gerum miklar kröfur í okkar leik. Við ætlumst til þess að sýna góða spilamennsku, baráttu og liðsheild í hverjum einasta leik."
Kári segir Hollendingana líklega ekki hafa verið tilbúna í að mæta sterku liði Íslendinga í fyrri leiknum og býst ekki við að það verði neitt vanmat fyrir síðari leikinn.
„Þeir voru svolítið ráðþrota í fyrri leiknum og ég held að þeir hafi ekki búist við svona sterkri varnareiningu og að við værum með hörku leikmenn innanborðs. Það kom þeim í opna skjöldu og ég held að það sé ekkert vanmat í gangi núna, þeir ætla bara að keyra yfir okkur.
„Auðvitað verða þeir meira með boltann, það er gefið, þeir voru meira með boltann í fyrri leiknum en sköpuðu lítið af færum. Þeir mega svosem vera með boltann allan leikinn ef þeir skapa ekkert af færum og að sjálfsögðu er eitt stig góður árangur fyrir okkur hérna."
Athugasemdir