Lárus Guðmundsson þjálfari KFG var að vonum svekktur eftir að hafa misst niður góða forystu gegn liði Augnabliks en segist koma tvíefldur tilbaka.
Málið er einfaldlega það að við vissum að við værum að fara mæta gríðarlega sterkum andstæðingi á heimavelli og það sem hefur gerst hjá okkur á seinustu tveimur vikum er að það eru átta leikmenn farnir og við höfðum hreinlega ekki þá breidd sem þurfti til að klára þennan leik og þegar við lenntum í mótlæti þá vantaði okkur liðsstyrk, hópstyrk til að koma með auka kraft í leikinn. Við áttum bara ekki til meiri kraft
Ég er búinn að keyra að undanförnu á sama liðinu, varla haft skiptimenn á bekknum og það hitti bara það mjög illa á að það voru mjög margir leikmenn farnir út til náms og sumir þeirra fengu þær upplýsingar bara í lok tímabils þannig að þetta er bara staða sem kom upp og var ekki við ráðið.
KFG hefur komist ítrekað í úrslitakeppni 4. og 3.deildar en aldrei náð að komast upp. Lárus var staðráðin í að gefast ekki upp.
Já lífið heldur áfram og við óskum Augnabliki til hamingju, þeir virkilega börðust og gáfust aldrei upp og spiluðu flottan fótbolta en við að vissu hjálpuðum þeim smá í dag. sagði Lárus að lokum
Athugasemdir