Rio Ferdinand, varnarmaður QPR, segir að leikmenn enska landsliðsins hafi verið meðhöndlaðir eins og börn í gegnum tíðina.
Í ævisögu sinni segir Ferdinand frá því þegar hann hitti hollenska landsliðið á hótelbar þegar HM í Brasilíu stóð yfir í sumar.
Í ævisögu sinni segir Ferdinand frá því þegar hann hitti hollenska landsliðið á hótelbar þegar HM í Brasilíu stóð yfir í sumar.
,,Eitt kvöldið vorum við á hótelbarnum með Fabio Cannavaro og vorum að bíða eftir Christian Vieri," sagði Ferdinand sem að var að vinna fyrir BBC á HM í sumar.
,,Allt í einu mætti allt hollenska landsliðið og fór að slaka á þarna á barnum."
,,Ég sat við hliðina á (Wesley) Sneijder og sagði 'Hvað er í gangi? Megið þið vera hér?' Hann svaraði 'Já, þjálfarinn sagði okkur að fara. Svo lengi sem við komum til baka inn á hótelherbergi fyrir klukkan 11 þá er þetta í lagi."
,,Okkar leikmenn eru meðhöndlaðir eins og krakkar," bætti Ferdinand við um enska landsliðið.
,,Það skiptir ekki máli hvort það sé af því að þeir hafi gert mistök í fortíðinni, út af því að þjálfarinn treystir ekki leikmönnunum eða að hann treysti ekki fjölmðilum. Ég held að hollenskir fjölmiðlar hafi ekki minnst á þetta. Leikmennirnir voru rólegir og afslappaðir."
Athugasemdir