Gylfi Þór Sig­urðsson og fé­lag­ar hans hjá Sw­an­sea City mæta Li­verpool í sjö­undu um­ferð ensku úr­vals­deild­ar­inn­ar klukk­an 11.30 í dag. Þetta er fyrsti leikur dagsins í ensku úrvalsdeildinni.

Sw­an­sea City hef­ur farið illa af stað í deild­inni á þessu leiktímabili, en liðið er í 17. sæti deild­ar­inn­ar með fjög­ur stig eft­ir sex um­ferðir. Li­verpool er hins veg­ar með 13 stig og sit­ur í fimmta sæti deild­ar­inn­ar.

Byrjunarlið liðanna fyrir leikinn á Liberty-vellinum í Wales eru klár og þau má sjá hér að neðan. Bæði lið gera eina breytingu á sínu liði frá síðasta leik.

Hjá heimamönnum í Swansea kemur dýrasti leikmaður í sögu félagsins, Borja Baston, inn í liðið á kostnað landa síns Fernando Llorente, en þetta er fyrsti byrjunarliðsleikur Baston hjá Swansea. Hjá Liverpool kemur Dejan Lovren inn í vörnina fyrir Ragnar Klavan.