Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   lau 01. október 2016 16:49
Magnús Már Einarsson
Ejub: Gerðist ýmislegt í kringum Verslunarmannahelgina
Heldur líklega áfram með liðið
Ejub Purisevic.
Ejub Purisevic.
Mynd: Fótbolti.net - J.L.
Mynd: Þorsteinn Ólafs
„Þetta er rosalegur léttir. Ég fylgdist ekki mikið með stöðunni hjá KR fyrr en við vorum komnir 3-1 undir," sagði Ejub Purisevic, þjáflari Víkings Ólafsvíkur, eftir 4-1 tapið gegn Stjörnunni í dag. Sigur KR á Fylki á sama tíma varð til þess að Víkingur hélt sæti sínu.

Ólsarar byrjuðu mótið mjög vel og athygli vakti í maí og júní þegar Ejub talaði um að það yrði kraftaverk ef að liðið myndi halda sæti sínu.

„Mér finnst þetta vera rosalega stórt afrek að halda okkur í deildinni. Við byrjuðum mótið með rosalega lítinn hóp og þetta versnaði í glugganum þegar við misstum íslenska leikmenn og fengum erlenda í staðinn. Mér finnst þetta rosalegt afrek hjá svona litlum klúbb að halda sér í deildinni. Ef þú horfir til dæmis á Þrótt og Fylki, aðstöðuna og leikmannahópana."

„Víkingur Ólafsvík er ekki með samkeppnishæft lið til að vera í úrvalsdeildinni. Þegar þú horfir á leikmannahópa, yngri flokka og aðstöðu þá er þetta rosalega erfitt fyrir okkur. Þetta er meira segja spurning með ÍBV, hvað þá okkur."


„Kannski er þetta bara bull hjá mér. Kannski er þetta auðvelt en tíminn leiðir í ljós hvort svona staðir geti farið tvisvar upp í úrvalsdeild og haldið sig upp í úrvalsdeildina. Ég held að fólk skilji kannski ekki um hvað ég er að tala fyrr en það prófar það."

Innanhús mál trufluðu liðið
Ólafsvíkingar unnu síðast leik í júní en þeir fengu fjögur stig í síðustu 13 leikjunum.

„Versti kaflinn hjá okkur var í kringum Verslunarmannahelgina þegar ýmislegt gerðist. Síðustu 6-7 leiki voru batamerki og hlutir hefðu getað dottið okkar megin. Ég var orðinn smeykur og eftir leikinn gegn ÍA sagði ég að við værum í fallbaráttu," sagði Ejub sem vill ekki fara út í hvað var í gangi í kringum Verslunarmannahelgina hjá Ólsurum.

„Það er eitthvað innanhús sem að við þurfum að ræða og læra af. Mér finnst ekki við hæfi að við ræðum þessa hluti. Það voru erfiðleikar og stundum tekur rosalega á að laga hluti. Mér fannst það takast ágætlega og við náðum að klára mótið sómasamlega."

Miklar breytingar framundan
Ejub telur líklegra en ekki að hann haldi áfram sem þjálfari Ólafsvíkinga. „Það er mjög líklegt en þú veist aldrei í fótboltanum. Ég ætla að hugsa um sjálfan mig og fjölskylduna líka. Ég á eftir að ræða mikið við fjölskylduna um þessi mál," sagði Ejub.

Ejub segir ljóst að miklar breytingar verði á leikmannahópi Ólsara fyrir næsta tímabil.

„Sumir vilja ekki vera áfram og við viljum ekki halda sumum. Til að geta spilað í úrvalsdeildinni þá þurfum við að fá miklu fleiri íslenska leikmenn. Ef það er hægt þá væri frábært að fá 2-3 reynda leikmenn úr úrvalsdeildinni til að draga vagninn. Svo er spurning hvort það sé hægt," sagði Ejub.

Hér að ofan má sjá viðtalið í heild sinni.
Athugasemdir
banner
banner
banner
banner
banner