Sjöunda umferð ensku úrvalsdeildarinnar hófst í gær með föstudagsleik, en umferðin heldur áfram að rúlla í dag með fimm vonandi skemmtilegum leikjum.

Fótboltaáhugamenn verða eins og svo oft áður að taka daginn snemma, en fyrsti leikurinn dagsins hefst klukkan 11:30 og er á milli Swansea og Liverpool. Gylfi Þór Sigurðsson og hans liðsfélagar í Swansea hafa ekki farið vel af stað á meðan Liverpool hefur litið glimrandi vel út og því búast flestir við sigri þeirra rauðklæddu í dag.

Klukkan 14:00 hefjast svo hinir fjórir leikir dagsins. Hull mætir Chelsea í Jórvíkurskíri og sá leikur er sýndur í beinni útsendingu. Bæði lið hafa átt erfiða daga upp á síðkastið og því verður fróðlegt að sjá hvað gerist í dag.

Þrír frekar óáhugaverðir leikir eru á sama tíma, Sunderland tekur á móti West Brom, Bournemouth heimsækir Bournemouth og West Ham hýsir Middlesbrough á Ólympíuleikvanginum í Lundúnum.