Ernir var valinn efnilegasti leikmaður 2. deildar karla á lokahófi sem Fótbolti.net hélt á Petersen svítunni. Þjálfarar og fyrirliðar liðanna í deildinni völdu.

Ernir er samningsbundinn uppeldisfélagi sínu, Breiðablik en spilaði á láni með Vestra í 2. deildinni þar sem hann náði þessum góða árangri.

„Ég prófaði í fyrra að fara á láni í Fram og það var annað hvort að prófa eitthvað svipað aftur eða eitthvað alveg nýtt. Mér fannst kominn tími á að prófa eitthvað alveg nýtt og það virkaði."

Ernir flutti til Ísafjarðar til að spila með liðinu í sumar.

„Það var frábært. Ég fékk íbúð og vinnu og það var hugsað frábærlega um mig. Fólkið fyrir vestan er til fyrirmyndar."

Nánar er rætt við Erni í sjónvarpinu hér að ofan þar sem hann segist ætla að berjast fyrir sæti í Breiðabliki í vetur.