Garðar með gullskóinn í dag.
„Það er öðruvísi tilfinning að vinna skóinn þegar maður hefur tapað. Það er ekki eins gaman að koma inn í klefa þegar allir eru down fyrir tapið og ég gerði sjálfum mér erfitt fyrir með því að klúðra þessu víti," sagði Garðar Gunnlaugsson framherji ÍA eftir 1-0 tap gegn Val á Hlíðarenda í lokaumferð Pepsi-deildarinnar í dag.
Lestu um leikinn: Valur 1 - 0 ÍA
Garðar lét verja frá sér vítaspyrnu í seinni hálfleiknum en þrátt fyrir það náði hann að tryggja sér gullskó adidas fyrir að vera markahæstur í deildinni með 14 mörk.
„Ég er ánægður með liðið, við gerðum betur en í fyrra sem var markmiðið hjá okkur. Svo er fullt af ungum strákum að koma upp og við stefnum á að fara hærra á næsta ári."
„Ég hef verið nokkuð heill síðasta árið og það er ástæðan fyrir stíganda hjá mér síðustu ár. Ég náði góðri 1. deild og góðu sumri í fyrra þar sem ég sleit liðband á miðju sumri og kom svo aftur."
„Fyrir þetta tímabil náði ég nokkuð undirbúningstímabili og það skiptir máli því þetta er physical deild og það sést bara á okkur toppskorurunum hvað er erfitt að skora í þessari deild. Síðustu ár líka, toppskorarar eru ekki með mörg mörk."
Athugasemdir
