Gunnlaugur Jónsson þjálfari ÍA.
„Ég hefði viljað jafna leikinn, við fengum upplagt tækifæri til þessi í vítinu en heilt yfir voru þetta sanngjörn úrslit. Ég held að leikurinn hefði getað farið á okkar band ef við hefðum skorað úr vítinu," sagði Gunnlaugur Jónsson þjálfari ÍA eftir 1-0 tap gegn Val á Hlíðarenda í kvöld.
Lestu um leikinn: Valur 1 - 0 ÍA
Garðar Gunnlaugsson framherji liðsins endaði sem markakóngur mótsins með 14 mörk.
„Garðar er búinn að vera frábær mest allt sumarið svipað og liðið. Hann hefur ekki alveg verði í takti eftir síðasta landsleikjahlé. Hann hefur ekki skorað síðan í síðata leik fyrir landsleikjahlé sem eru fimm leikir í röð og liðið hefur líka dottið úr takt eftir það. Það orsakar að við endum í 8. sæti með 31 stig sem dugði Víkingi í Evrópusæti fyrir 2-3 árum."
„Heilt yfir getum við verið sáttir. Þetta er kaflaskipt, við byrjum illa, 4 stig eftir hraðmótið áður en EM byrjar. Eftir EM erum við geggjaðir, 8 sigrar í 10 leikjum en svo kemur aftur landsleikjafrí og eftir það datt botninn úr þessu. Að fara úr botnsæti í nánast Evrópubaráttu í 10 leikjum er ein af endurkomum síðari ára. Ég er mjög ánægður með það."
Athugasemdir
