Ágúst Gylfason, þjálfari Fjölnis, var að vonum ánægður eftir 3-0 útisigur sinna manna gegn Breiðablik í lokaumferð Pepsi-deildarinnar í dag.
Hann var hins vegar svekktur með að Fjölnir hafi rétt misst af Evrópusæti þrátt fyrir að hafa gert sitt.
Hann var hins vegar svekktur með að Fjölnir hafi rétt misst af Evrópusæti þrátt fyrir að hafa gert sitt.
Lestu um leikinn: Breiðablik 0 - 3 Fjölnir
„Þetta er súrsætur sigur. Æðislegt að vinna hérna og gera sitt, það sem við lögðum upp með. Við komum mjög skipulagðir og klárum svo leikinn og sýndum hversu við erum öflugir. Auðvitað svekkjandi að ná ekki Evrópusæti en það var ekki í okkar höndum eins og við vissum. En ef maður lítur heilt yfir tímabilið erum við nokkuð ánægðir með það, við áttum marga frábæra leiki og erum í toppbaráttu frá byrjun. Við endum í 4. sæti, sem er besti árangur Fjölnis," sagði Ágúst eftir leikinn.
Varðandi framtíð sína sem þjálfari Fjölnis sagði Ágúst: „Við munum setjast niður eftir helgi og sjá hvort við náum ekki saman fyrir áframhald. Það verður bara að koma í ljós hvernig það verður."
Athugasemdir