Af okkar hálfu þá var þetta skelfilegur fyrri hálfleikur sagði Hallur Hallsson eftir leik Víkings og Þróttar í Laugardalnum í dag.
"Svekkjandi að tapa síðasta leiknum sínum" bætti hann við en leikurinn markaði endalokin á knattspyrnuferli Halls.
"Skórnir eru hér með komnir upp á hillu og ég fer, þrátt fyrir þetta tímabil og þennan leik þá fer ég nú sáttur frá borði"
Á 85 mínútu leiksins var gerð heiðurskipting þar sem nokkuð skemmtileg uppákoma átti sér stað. Liðsfélagar Halls stóðu þá heiðursvörð er Hallur gekk af velli undir háværu lófaklappi og söngvum viðstaddra
"Ég bjóst nú alveg við einhverri svona smá athöfn en hélt nú mögulega að hún kæmi í kvöld á lokahófinu eða inn í klefa eftir leik - mig grunaði ekki að þetta kæmi bara inn í miðjum leik"
Pétur Guðmundsson dómari leiksins færði Halli gjöf fyrir hönd dómara er hann yfirgaf völlinn í dag
"Hann gaf mér áritað gult spjald frá dómurum landsins - mjög skemmtileg gjöf - þökkuðu mér fyrir aðstoðina í gegnum árin"
"Ég var aðeins að hjálpa þeim svona" bætti Hallur svo við með bros á vör
Hallur hefur staðið vaktina með liði Þróttar og leikið tæplega 500 leiki en hvað tekur við hjá honum núna þegar knattspyrnuferlinum er lokið?
"Það er bara fjölskyldan - við konan eigum von á okkar þriðja barni núna í janúar og ætli ég einbeiti mér ekki bara að því - leika við börnin og svona og sinna konunni" svaraði ljúfmennið Hallur á súrsætri stundu í Laugardalnum.
"Svekkjandi að tapa síðasta leiknum sínum" bætti hann við en leikurinn markaði endalokin á knattspyrnuferli Halls.
"Skórnir eru hér með komnir upp á hillu og ég fer, þrátt fyrir þetta tímabil og þennan leik þá fer ég nú sáttur frá borði"
Á 85 mínútu leiksins var gerð heiðurskipting þar sem nokkuð skemmtileg uppákoma átti sér stað. Liðsfélagar Halls stóðu þá heiðursvörð er Hallur gekk af velli undir háværu lófaklappi og söngvum viðstaddra
"Ég bjóst nú alveg við einhverri svona smá athöfn en hélt nú mögulega að hún kæmi í kvöld á lokahófinu eða inn í klefa eftir leik - mig grunaði ekki að þetta kæmi bara inn í miðjum leik"
Pétur Guðmundsson dómari leiksins færði Halli gjöf fyrir hönd dómara er hann yfirgaf völlinn í dag
"Hann gaf mér áritað gult spjald frá dómurum landsins - mjög skemmtileg gjöf - þökkuðu mér fyrir aðstoðina í gegnum árin"
"Ég var aðeins að hjálpa þeim svona" bætti Hallur svo við með bros á vör
Hallur hefur staðið vaktina með liði Þróttar og leikið tæplega 500 leiki en hvað tekur við hjá honum núna þegar knattspyrnuferlinum er lokið?
"Það er bara fjölskyldan - við konan eigum von á okkar þriðja barni núna í janúar og ætli ég einbeiti mér ekki bara að því - leika við börnin og svona og sinna konunni" svaraði ljúfmennið Hallur á súrsætri stundu í Laugardalnum.
Athugasemdir