Heimir Guðjónsson, þjálfari FH, var glaður með að ná að enda tímabilið með jafntefli frekar en tapi. FH kreystu út 1-1 jafntefli gegn ÍBV í dag. FH-ingar voru bitlausir í dag og hafði Heimir skýringar á því. „Það er bara erfitt að mótívera sig fyrir svona leiki sem hafa ekki þýðingu og því miður í síðustu tveimur leikjum höfum við bara ekki náð því.“
Lestu um leikinn: FH 1 - 1 ÍBV
Heimir skrifaði undir nýjan samning við FH í vikunni og segist eiga eftir að ná ákveðnum markmiðum. „Ég hef bara unnið bikarinn einu sinni og það hefur ekki gengið vel þar. Svo auðvitað langar okkur að gera betur í Evrópukeppninni en við erum alltaf að læra og þurfum að nýta okkur þennan lærdóm.“
FH hefur verið gagnrýnt fyrir spilamennskuna í sumar og tekur Heimir undir það. „Ef við tökum þetta mót. Við erum búnir að skora 32 mörk, þetta er níunda árið sem ég er með liðið, og það minnsta sem við höfðum skorað fyrir þetta voru 46. Þannig að auðvitað höfðum við viljað getað spilað betri sóknarleik.“
Athugasemdir