Það er komið að þessu! Síðasta umferð Pepsi-deildar karla fer fram í dag og það ríkir mikil spenna í loftinu fyrir þeim leikjum sem fram fara.

FH-ingar eru búnir að tryggja sér Íslandsmeistaratitilinn og þeir munu taka á móti honum eftir heimaleik gegn ÍBV í dag. Vestmannaeyingar geta enn fallið, en það er afar ólíklegt að gerist.

Það er eitt lið fallið úr deildinni, en það er Þróttur úr Reykjavík. Það lið sem fer með Þrótturum niður verður að öllum líkindum annað hvort Fylkir eða Víkingur Ó., en fyrir umferðina standa Ólsarar betur að vígi með tveimur stigum meira en Fylkir.

Baráttan um Evrópusæti er einnig mjög hörð. Það eru nokkur lið í baráttunni um tvö Evrópusæti, en þau lið sem eru að berjast um þessi sæti eru Stjarnan, Breiðablik, KR og Fjölnir. Það verður því mjög spennandi að sjá hvað gerist í dag.

Elvar Geir Magnússon fór í vikunni ítarlega yfir möguleikana í lokaumferð Pepsi-deildar karla og má sjá þá með að smella hérna.