Horsens 1 - 0 Esbjerg
1-0 Kjartan Henry Finnbogason ('80 )
1-0 Kjartan Henry Finnbogason ('80 )
Kjartan Henry Finnbogason skoraði sigurmark Horsens þegar liðið hafði betur gegn Esbjerg með einu marki gegn engu í 12. umferð dönsku úrvalsdeildarinnar í dag.
Kjartan Henry kom inn á sem varamaður þegar 74 mínútur voru á klukkunni og hann var ekki lengi að stimpla sig inn. Hann tryggði Horsens sigurinn með marki á 80. mínútu leiksins.
Kjartan Henry hefur verið öflugur með Horsens þrátt fyrir að hafa verið að glíma við meiðsli. Hann er aðeins búinn að byrja tvo leiki í deildinni, en þrátt fyrir það hefur hann náð að skora fjögur mörk fyrir Horsens í úrvalsdeildinni.
Horsens, sem er nýliði í dönsku úrvalsdeildinni hefur 17 stig eftir þennan sigur og situr í sjöunda sæti deildarinnar. Esbjerg er á botni deildarinnar.
Athugasemdir