Stjarnan 1 - 0 FH
1-0 Atli Freyr Ottesen Pálsson ('86)
1-0 Atli Freyr Ottesen Pálsson ('86)
FH á ekki möguleika á að komast í úrslitaleik Bose æfingamótsins eftir að liðið tapaði fyrir Stjörnunni í Kórnum í kvöld. Sigur Garðabæjarliðsins var sanngjarn.
Bæði lið áttu sláarskot áður en eina mark leiksins kom. Guðjón Baldvinsson skaut í slá FH-marksins og Steven Lennon átti þrumuskot í tréverkið í upphafi seinni hálfleiks.
Atli Freyr Ottesen Pálsson skoraði eina markið en hann hirti frákastið eftir að skot Þórhalls Kára Knútssonar var varið. Nokkrum mínútum áður hafði Atli klúðrað tveimur dauðafærum í sömu sókninni.
Stjarnan er með fjögur stig í riðli-1 en Fjölnir á eftir að mæta FH í lokaleik riðilsins næsta mánudag. Grafarvogsliðið gerði jafntefli gegn Stjörnunni og getur enn hirt efsta sætið sem tryggir sæti í úrslitaleiknum.
Ljóst er að KR hefur tryggt sér sigur í riðli-2 og sæti í úrslitaleiknum.
Athugasemdir