Simon Mignolet hefur legið undir gagnrýni á tímabilinu og hann var meðal annars gagnrýndur í síðustu viku þegar hann fékk á sig óbeina aukaspyrnu gegn Bordeaux fyrir að halda á boltanum í 22 sekúndur.

Aðrir markverðir hafa verið orðaðir við Liverpool að undanförnu en Klopp segist ekki ætla að skipta Mignolet út.

„Ég er mjög ánægður með markvarðarstöðuna. Mér finnst leiðinlegt að eyðileggja fréttirnar ykkar en við erum ekki í leit að markverði," sagði Klopp.

Möguleiki er að varamarkvörðurinn Adam Bogdan fái tækifærið í marki Liverpool annað kvöld þegar liðið mætir Southampton í enska deildabikarnum en Klopp vildi ekkert staðfesta með það í dag.