„Þetta var mikið pússluspil, eins og yfirleitt á þessum tíma," sagði Heimir Hallgrímsson í viðtali við Fótbolta.net eftir að hann tilkynnti hópinn sem er á leið til Kína á æfingamót.
Fáir af fastamönnum landsliðsins fengu leyfi frá sínum félögum til að taka þátt í þessu verkefni og alls eru sjö nýiðar í hópnum. Heimir segir gott að fá tvo leiki í Kína til að gefa öðrum leikmönnum tækifæri en vanalega.
Fáir af fastamönnum landsliðsins fengu leyfi frá sínum félögum til að taka þátt í þessu verkefni og alls eru sjö nýiðar í hópnum. Heimir segir gott að fá tvo leiki í Kína til að gefa öðrum leikmönnum tækifæri en vanalega.
„Í velgegni gleymist framtíðin oft. Hún kemur, þó að það sé að ganga vel í augnablikinu. Þessir leikir sem við höfum leikið undanfarin 4-5 ár hafa allir verið hálfgerðir úrslitaleikir svo við höfum ekki geta gert tilraunir og gefið mönnum tækifæri. Þarna er góður séns á að gefa mönnum tækifæri á að sýna sig."
„Þessi verkefni hafa gefið okkur 1-2 leikmenn inn í hópinn í mótsleikjum. Þeir hafas stimplað sig inn og staðið sig vel og komist í hóp í mótsleikjum. Við óskum eftir því líka í þessum verkefnum. Í tilfelli Jóns Daða og Theodórs Elmars hoppuðu þeir beint inn í byrjunarliðið og við vonum að einhverjir leikmenn stimpli sig inn. Við erum með marga leikmenn sem voru í U21 árs liðinu og þeir ættu að geta sýnt hvað þeir geta."
Gífurlegir peningar eru í kínverska boltanum og uppgangur er í fótboltanum þar í landi.
„Við spilum á velli kínversku meistaranna. Þetta er 60 þúsund manna völlur og það verður allt stappað. Það verður mikið umstang í kringum kínverska landsliðið og Marcelo Lippi (þjálfara Kína) og það verður gaman að fá að taka þátt í þessu. Þetta er mjög stórt, sérstaklega fyrir þá sem eiga enga landsleiki að baki."
Kinversk félög hafa verið að borga leikmönnum ótrúlegar fjárhæðir fyrir að koma í deildina þar í landi. Margir af launahæstu leikmönnum heims spila í Kína í dag.
„Upphæðirnar eru kolvitlausar og mjög skrýtnar. Þær eru svolítið að skemma fótboltann en þetta sýnir metnað Kínverja. Þeir vilja vera fljótir að bæta sig og fá góða leikmenn í deildina til að spila með sínum mönnum. Þeir eru að ráða til sín bestu þjálfara í heimi því að þeir vilja að sínir leikmenn fái góða þjálfun. Þetta sýnir þeirra metnað."
Hér að ofan má sjá viðtalið í heild sinni.
Athugasemdir