Keflvíkingurinn Elías Már Ómarsson er einn efnilegasti leikmaður landsins en hann gekk í raðir norska félagsins Valerenga í vetur.
Elías var í viðtali í útvarpsþættinum Fótbolti.net síðasta laugardag og má heyra viðtalið í spilaranum hér að ofan.
Elías var í viðtali í útvarpsþættinum Fótbolti.net síðasta laugardag og má heyra viðtalið í spilaranum hér að ofan.
Á fyrstu æfingu hans í Noregi kom til hans blaðamaður sem vildi meina að hann væri tvífari tónlistarmannsins Justin Bieber.
„Það kom einhver fréttamaður á æfingu og var með myndir af mér. Hann spurði mig hverjum ég líktist. Hann vildi meina að ég líktist Justin Bieber. Ég hef heyrt þetta mjög oft," segir Elías Már.
Liðsfélagar hans eru þó ekki farnir að kalla hann Bieber.
„Sem betur fer ekki. Ég ætla rétt að vona að þetta nafn festist ekki við mig."
Elías var ekki keyptur til að fylla skarð Viðars Arnar Kjartanssonar sem raðaði inn mörkum fyrir Valerenga í fyrra.
„Þeir hugsa mig sem kantmann. Ég er ekki arftaki Viðars. Ég er bara einhver annar gaur þarna," segir Elías en viðtalið má heyra í heild í spilaranum hér að ofan.
Athugasemdir