Margrét Lára Viðarsdóttir.
,,Þetta er yndislegt og frábær tilfinning. Það er gaman að vera með stelpunum og ekki síðra að spila fótbolta," sagði Margrét Lára Viðarsdóttir við Fótbolta.net í gær.
Margrét Lára er mætt í íslenska landsliðshópinn á nýjan leik eftir að hafa verið fjarverandi í fyrra vegna barneigna. Margrét snéri aftur í landsliðshópinn á Algarve mótinu á dögunum þar sem hún spilaði meðal annars á miðjunni.
Margrét Lára er mætt í íslenska landsliðshópinn á nýjan leik eftir að hafa verið fjarverandi í fyrra vegna barneigna. Margrét snéri aftur í landsliðshópinn á Algarve mótinu á dögunum þar sem hún spilaði meðal annars á miðjunni.
,,Ég er í hálfgerðu tíu hlutverki fyrir framan miðjuna og fíla þetta vel. Eftir því sem maður eldist verður maður klárari spilari og maður getur nýtt það á miðjunni með því að skapa sér svæði og fá boltann í fætur. Mér finnst það gaman og það verður gaman að spila þessa stöðu þegar á líður," sagði Margrét sem er alltaf að komast í betra og betra form.
,,Þetta er búið að taka tíma og þetta er það erfiðasta sem ég hef gert að koma til baka eftir barnsburð, bæði andlega og líkamlega. Mér finnst ég vera að taka skref í rétta átt á hverjum degi. Tímabilið byrjar úti í Svíþjóð á næstunni og ég vonast til að nálgast mitt besta form um mitt sumar."
Frítt er á leikinn á laugardag en flautað verður til leiks klukkan 14:00 í Kórnum.
,,Það er frí í öllum skólum þannig að fólk hefur enga ástæðu til að mæta ekki á leikinn. Vonandi náum við að fylla Kórinn og hafa gaman saman. Það er búið að gagnrýna okkur aðeins fyrir að skora ekki og það væri gaman að pota inn einum eða tveimur mörkum og vinna Hollendingana á laugardaginn."
Hér að ofan má sjá viðtalið í heild sinni.
Athugasemdir
