Tim Sherwood, knattspyrnustjóri Aston Villa á Englandi, heldur því fram að Fabian Delph, leikmaður liðsins, sé besti miðjumaður landsins í augnablikinu.
Delph var magnaður í 3-2 sigri liðsins á Everton í dag en Christian Benteke gerði tvö mörk á meðan Tom Cleverley gerði eitt.
Enski miðjumaðurinn hefur verið stórkostlegur á þessari leiktíð og hefur það skilað honum sæti í enska landsliðinu en Sherwood telur að hann sé besti miðjumaðurinn í deildinni.
„Fabian Delph sýndi í dag að hann er besti miðjumaður landsins í augnablikinu. Ég er enn að bíða eftir einhver bendi mér annan sem er betri en Delph,’’ sagði Sherwood.
Athugasemdir