Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 02. maí 2016 15:00
Elvar Geir Magnússon
Ashley Cole fékk tvö gul spjöld á 32 sekúndna kafla
Ashley Cole, leikmaður LA Galaxy.
Ashley Cole, leikmaður LA Galaxy.
Mynd: Getty Images
Ashley Cole var rekinn af velli í jafntefli LA Galaxy gegn Sporting Kansas City eftir að hafa fengið tvö gul spjöld með 32 sekúndna millibili.

Hann fékk fyrra gula spjaldið þegar dómarinn taldi að hann væri að tefja þegar hann tók innkast. Hann kastaði svo boltanum inn á völlinn og tók skyndilega tæklingu nokkrum sekúndum síðar þar sem hann fékk annað gult og þar með rautt.

Dómnum var harðlega mótmælt án árangurs en Bruce Arena, stjóri Galaxy, sagði eftir leikinn að það þyrfti að ljósrita reglurnar og senda til dómara deildarinnar. Dómarinn hafi ekki farið eftir heilbrigðri skynsemi í því hvernig hann höndlaði aðstæður.

Þrátt fyrir að leika tíu síðustu 20 mínútur leiksins náði Galaxy í stig.
Athugasemdir
banner
banner
banner