Ari Freyr Skúlason og Hallgrímur Jónasson léku allan leikinn í varnarlínu OB sem hafði betur gegn Esbjerg í dönsku efstu deildinni.

Anders Jacobsen kom gestunum frá Óðinsvé yfir í fyrri hálfleik og innsiglaði Ari Freyr sigurinn á lokamínútum uppbótartímans.

OB er um miðja deild eftir sigurinn, sex stigum frá evrópudeildarsæti.

Þá lék Hannes Þór Haraldsson allan leikinn fyrir Bodö/Glimt sem tapaði 2-0 fyrir Sarpsborg í norsku efstu deildinni. Hannes og félagar eru búnir að tapa fimm leikjum í röð og eru með sjö stig eftir átta umferðir.