Ljóst er að annaðhvort Fleetwood eða Blackpool munu falla þegar lokaumferð ensku C-deildarinnar fer fram á sunnudaginn.
Fleetwood hefði getað tryggt sæti sitt í leik gegn Walsall í dag en tapaði 3-1. Eggert Gunnþór Jónsson spilaði fyrstu 59 mínútur leiksins. Grétar Rafn Steinsson er yfirmaður fótboltamála hjá Fleetwood.
Fleetwood er með 48 stig (-6 í markatölu) en Blackpool 46 stig (-19) fyrir lokaumferðina.
Fleetwood mætir botnliði Crewe á sunnudag en Blackpool leikur gegn Peterborough sem siglir lygnan sjó um miðja deild. Fleetwood fellur ef liðið tapar og Blackpool vinnur.
Athugasemdir