Eyjólfur Héðinsson sýndi skemmtileg tilþrif í Garðabænum í kvöld en hann lék sem sóknarmiðjumaður hjá Stjörnunni í 2-0 sigri gegn Fylki. Eyjólfur var mjög ógnandi en svekktur að hafa ekki náð að skora í leiknum.
Lestu um leikinn: Stjarnan 2 - 0 Fylkir
Eyjólfur kom til Stjörnunnar í vetur en hann hefur lítið spilað fótbolta síðustu mánuði vegna meiðsla.
„Ég held að allir Stjörnumenn séu brosandi í dag. Við vorum frekar tæpir í byrjun en eftir 15-20 mínútur tókum við gjörsamlega yfir leikinn og vorum frábærir á löngum köflum í fyrri hálfleik og hefðum átt að skora," segir Eyjólfur.
„Það hefði verið gaman að skora gegn gömlu félögunum en við skrifum þetta bara á leikformið. Ég hef ekki spilað marga leiki undanfarin ár og hef heldur ekki farið á margar skotæfingar eins og sást."
Viðtalið má sjá í heild sinni í sjónvarpinu hér að ofan.
Athugasemdir