Gonzalo Higuain var að skora sín fyrstu mörk eftir að hafaf komið úr þriggja leikja banni.

Í kvöld skoraði hann bæði mörk Napoli í 2-1 sigri á Atalanta sem kemur liðinu aftur í mikilvægt 2. sæti deildarinnar þegar tvær umferðir eru eftir.

2. sæti ítölsku deildarinnar gefur þátttökurétt í riðlakeppni Meistaradeildarinnar á meðan þriðja sætið veitir þátttökurétt í undankeppnina.

Higuain er búinn að gera 32 mörk í 33 deildarleikjum á tímabilinu sem er ótrúleg tölfræði og það væri áhugavert að sjá hversu mikið hann væri búinn að skora ef hann hefði ekki farið í bann.