Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mán 02. maí 2016 16:00
Fótbolti.net
Spá þjálfara og fyrirliða í Inkasso-deildinni: 5. sæti
Leifur Andri Leifsson vinstri bakvörður HK.
Leifur Andri Leifsson vinstri bakvörður HK.
Mynd: Fótbolti.net - Hafliði Breiðfjörð
HK vann B-deild Fótbolta.net mótsins.
HK vann B-deild Fótbolta.net mótsins.
Mynd: Fótbolti.net - Jóhann Ingi Hafþórsson
Guðmundur Þór Júlíusson er í vörninni.
Guðmundur Þór Júlíusson er í vörninni.
Mynd: Fótbolti.net - Hafliði Breiðfjörð
Árni Arnarson, miðjumaður HK.
Árni Arnarson, miðjumaður HK.
Mynd: Fótbolti.net - Hafliði Breiðfjörð
Fótbolti.net kynnir liðin sem leika í Inkasso-deildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin því stig frá 1-11 eftir því en ekki var hægt að spá fyrir sínu eigin liði.

Spáin:
1. ?
2. ?
3. ?
4. ?
5. HK 157 stig
6. Grindavík 141 stig
7. Fram 119 stig
8. Haukar 117 stig
9. Leiknir F. 73 stig
10. Selfoss 71 stig
11. Fjarðabyggð 42 stig
12. Huginn 41 stig

5. HK
Lokastaða í fyrra: 8. sæti í 1. deild
HK leikur þriðja árið í röð í 1. deild eftir að hafa komið upp úr 2. deildinni árið 2013. Í fyrra náði tímabilið aldrei flugi alvöru flugi hjá HK en niðurstaðan varð 8. sæti í 1. deildinni á endanum.

Þjálfarinn: Reynir Leósson tók við HK síðastliðið haust af Þorvaldi Örlygssyni sem hafði stýrt liðinu tvö tímabil. Reynir var í fyrra aðstoðarþjálfari hjá Fylki í Pepsi-deildinni en HK er fyrsta starf hans sem aðalþjálfari. Reynir lék um árabil með ÍA á leikmannaferli sínum auk þess sem hann reyndi fyrir sér í atvinnumennsku í Svíþjóð.

Styrkleikar: HK liðið hefur litið vel út í vetur en það vann B-deild Fótbolta.net mótsins og náði í ágætis úrslit í Lengjubikarnum. Jóhannes Karl Guðjónsson er spilandi aðstoðarþjálfari HK og hann verður í stóru hlutverki. Jóhannes spilar líklega í hjarta varnarinnar í sumar. Margir leikmenn í hópnum eru hungraðir í að sanna sig eftir að hafa verið í minni hlutverkum hjá félögum í Pepsi-deildinni undanfarin ár.

Veikleikar: Guðmundur Atli Steinþórsson skoraði 14 af 26 mörkum HK í 1. deildinni í fyrra. Skarð hans verður vandfyllt. Stemningin í kringum meistaraflokk HK Hefur verið lítil síðastliðin ár og hún þarf að batna. Mikið rót hefur verið á leikmannahópnum undanfarin ár og mikilvægt er fyrir HK að ná stöðugleika og minnka breytingar á milli ára.

Lykilmenn: Guðmundur Þór Júlíusson, Jóhannes Karl Guðjónsson og Jökull I Elísabetarson.

Gaman að fylgjast með: Sveinn Aron Guðjohnsen, sonur Eiðs Smára, hefur komið talsvert við sögu í vetur. Ungur og efnilegur leikmaður sem erlend félög hafa verið að fylgjast með.

Líklegt byrjunarlið í upphafi móts:


Komnir:
Arnar Freyr Ólafsson frá Leikni R.
Fannar Freyr Gíslason frá Tindastól
Hákon Ingi Jónsson frá Fylki
Hinrik Atli Smárason frá Fylki
Ingimar Elí Hlynsson frá ÍA
Kristófer Eggertsson frá Víkingi Ó.
Jóhannes Karl Guðjónsson frá Fylki
Ragnar Leósson frá Fjölni
Reynir Haraldsson frá Fylki á láni
Teitur Pétursson frá ÍA

Farnir:
Andri Geir Alexandersson í ÍA
Aron Þórður Albertsson í Þrótt
Axel Kári Vignisson í Keflavík
Beitir Ólafsson í Keflavík
Davíð Magnússon
Guðmundur Atli Steinþórsson í Breiðablik
Guðmundur Magnússon í Keflavík
Hörður Magnússon
Jón Gunnar Eysteinsson
Viktor Unnar Illugason í Þrótt

Fyrstu leikir HK:
6. maí HK - Keflavík
14. maí Leiknir R. - HK
21. maí HK - Þór
Athugasemdir
banner
banner
banner
banner