Á heimasíðu ÍA segir að Gunnlaugur Jónsson þjálfari liðsins sé ánægður með að Arnór hafi framlengt samning sinn við ÍA. „Arnór hefur komið mjög sterkur inní mótið og staðið undir þeim væntingum sem við hann voru bundnar. Það hefur gengið á ýmsu undanfarið hjá liðinu en hann hefur sýnt styrk og stöðugleika á sínu fyrsta tímabili í efstu deild," sagði Gulli í stuttu samtali við vefsíðu félagsins.

„Þetta er búið að vera flottur tími. Þetta er flott félag og umgjörðin er góð. Þjálfarateymið hefur staðið sig vel og sterkur samheldinn hópur sem er gaman að vera partur af," sagði Arnór Snær í viðtali sem birtist í heimasíðu ÍA, sem hægt er að sjá hér að neðan.