þri 02. september 2014 11:00
Magnús Már Einarsson
Cleverley gæti farið til Aston Villa á láni
Mynd: Getty Images
Tom Cleverley, miðjumaður Manchester United, gæti farið á láni til Aston Villa eftir allt saman.

Manchester United samþykkti í síðustu viku níu milljóna punda tilboð frá Aston Villa í Cleverley en ekkert varð af samningum út af launakröfum leikmannsins.

Í gærkvöldi virtist Cleverley vera á leið til Everton en ekkert varð af samningum þar heldur.

Villa óskaði hins vegar eftir að fá Cleverley á láni rétt áður en félagaskiptaglugginn lokaði klukkan 23:00.

Samkvæmt frétt Sky bíða forráðamenn Aston Villa nú eftir ákvörðun frá ensku úrvalsdeildinni hvort lánssamningurinn fái að fara í gegn eða ekki.
Athugasemdir
banner
banner
banner