Brasilíski bakvörðurinn Dani Alves mun fara frá Barcelona þegar samningur hans rennur út næsta sumar.
Alves var orðaður við Inter og fleiri félög í sumar en á endanum ákvað hann að vera áfram hjá Börsungum.
Alves var orðaður við Inter og fleiri félög í sumar en á endanum ákvað hann að vera áfram hjá Börsungum.
,,Við erum mjög ánægðir með að Dani Alves verði áfram hér. Báðir aðilar hafa samþykkt að samningi hans muni ljúka árið 2015," sagði Andoni Zubizarreta yfirmaður íþróttamála hjá Barcelona.
Ljóst er að mörg félög munu reyna að fá hinn 31 árs gamla Alves í sínar raðir næsta sumar.
Spænskir fjölmiðlar eru strax farnir að velta fyrir sér eftirmanni Alves hjá Barcelona en Juan Cuadrado hjá Fiorentina hefur lengi verið orðaður við félagið auk þess sem Douglas hjá Sao Paulo er nefndur til sögunnar.
Athugasemdir