Fjölmiðlar héldu því nokkrir fram fyrr í vikunni að hollenski landsliðsmaðurinn yrði fjarri góðu gamni í nokkra mánuði vegna aðgerðar sem frestað hafði verið þar til eftir HM 2014.

,,Ég veit ekki hvaðan þessir orðrómar koma," sagði Van Persie við Fox Sports.

,,Ég get sagt það í fullri hreinskilni að ég er ekki á leið á sjúkrahús á næstunni til að fara í aðgerð. Menn þurfa að vera með gott ímyndunarafl til að koma með svona bull."

Þá er Hollendingurinn ánægður með komu Falcao á Old Trafford: ,,Ég er virkilega glaður. Falcao gerir okkur að betra liði og stórt félag eins og við vill alltaf ná árangri. Falcao þarf að berjast fyrir sæti sínu, alveg eins og ég."