Gunnar á íslenska móður, Helgu Garðarsdóttur, og hollenskan föður en þau eru búsett í Hollandi.

Hann tók þátt í myndasamkeppni og var valinn í hóp þeirra þátttakenda sem þóttu standa sig hvað best þar og fengu sem verðlaun að leiða liðin inn á völlinn.

Gunnar teiknaði mynd úr fótboltaleik AZ Alkmaar og Feyenoord og lét fylgja með langt bréf sem hann skrifaði og útskýrði afhverju hann ætti að vera valinn til að fara.

Hann var svo heppinn að verða valinn og fær því að labba inn á völlinn fyrir leik á morgun.

Hollenska sjónvarpið komst að því að íslensk/hollenskur drengur væri kominn í þetta hlutverk í leiknum og ætlar að mæta heim til hans og fylgja honum eftir frá hádegi á morgun og fram að leik.

Í tilefni af þessu öllu saman hefur Gunnar látið framleiða bol sem er öðrum megin íslenskur og hinum megin hollenskur sem hann mætir í á völlinn en hann mun þó fá sér búning frá hollenska knattspyrnusambandinu til að ganga í inn á völl.