Berbatov var án félags eftir að hafa yfirgefið Monaco þegar samningur hans við franska félagið rann út í sumar.

Hann átti í viðræðum við Aston Villa í gær en félagið var ekki tilbúið að mæta launakröfum kappans og gerði hann samning við PAOK í dag.

Þessi 34 ára gamli leikmaður skoraði 13 mörk fyrir Monaco á síðustu leiktíð og hjálpaði liðinu meðal annars að komast í 8-liða úrslit Meistaradeildarinnar.

Þjálfari PAOK er Igor Tudor, fyrrum leikmaður Juventus.

PAOK endaði í 5.sæti grísku úrvalsdeildarinnar á síðustu leiktíð og mun leika í Evrópudeildinni á þessu tímabili þar sem liðið er í riðli með Ragnari Sigurðssyni og félögum í Krasnodar, Dortmund og Qabala.