„Þetta er í fyrsta sinn sem ég fer á útileika hjá íslenska landsliðinu. Mér fannst algjört lágmark að sýna liðinu stuðning og hlakka mikið til að sjá leikinn á morgun," segir Ívar Guðmundsson, útvarpsstjarna á Bylgjunni.
Ívar er mættur til Amsterdam til að fylgjast með stórleik Hollands og Íslands á Amsterdam Arena.
Ívar er mættur til Amsterdam til að fylgjast með stórleik Hollands og Íslands á Amsterdam Arena.
„Það væri sigur ef við tækjum eitt stig úr þessum leik. Ég bjóst aldrei við að upplifa það að við ættum möguleika á að komast í lokakeppni stórmóts. Eins og þetta er núna þá lítur þetta vel út."
Ívar er með treyju frá Kolbeini Sigþórssyni með sér og ætlar að vera í henni á leiknum. Þá hyggst hann öskra og taka virkan þátt í stuðningnum úr stúkunni.
„Ætli ég verði ekki raddlaus í útvarpinu á mánudag," sagði Ívar en viðtalið má sjá í heild í sjónvarpinu hér að ofan.
Athugasemdir