Íslenska liðið æfði í morgun á vellinum en fyrir æfinguna var haldinn fréttamannafundur. Þar kom fram að allir í hópnum væru með á æfingunni, fyrir utan Emil Hallfreðsson sem ferðaðist ekki til Hollands þar sem hann er meiddur.



Spurning er hvernig byrjunarlið Íslands verður á morgun en við ætlum að tippa á að það verði mjög líkt liðinu gegn Tékklandi. Emil byrjaði þann leik og veðjum við á að Jóhann Berg Guðmundsson, sem var frammi gegn Tékkum, færist á kantinn vegna meiðsla Emils.

Erfitt er að segja hver muni þá verða í fremstu víglínu með Kolbeini Sigþórssyni en Eiður Smári Guðjohnsen og Alfreð Finnbogason gera báðir tilkall.

Við teljum þó líklegast að Jón Daði Böðvarsson verði í framlínunni. Hann hefur leikið mjög vel að undanförnu með Viking frá Stafangri og átti frábæran leik í fyrri leiknum gegn Hollandi.

Líklegt byrjunarlið Íslands:
Hannes Þór Halldórsson

Birkir Már Sævarsson
Kári Árnason
Ragnar Sigurðsson
Ari Freyr Skúlason

Jóhann Berg Guðmundsson
Aron Einar Gunnarsson (f)
Gylfi Þór Sigurðsson
Birkir Bjarnason

Jón Daði Böðvarsson
Kolbeinn Sigþórsson