Mark Noble, fyrirliði West Ham, fer ekki í leikbann þrátt fyrir að hafa fengið rautt spjald í 3-0 sigri liðsins á Liverpool í ensku úrvalsdeildinni um síðustu helgi.
West Ham áfrýjaði dómnum og staðfesti formaður félagsins, David Gold, á Twitter síðu sinni í dag að leikbannið hafi verið fellt úr gildi.
Kevin Friend dæmdi leikinn og gaf Noble rautt spjald fyrir tæklingu á Danny Ings á 78.mínútu.
Noble var mjög ósáttur með dóminn og sagði eftir leik að tæklingin hafi ekki einu sinni verðskuldað gult spjald.
Aganefnd enska knattspyrnusambandsins hefur greinilega verið sammála Noble og verður hann því löglegur með liðinu gegn Newcastle í fyrsta leik West Ham eftir landsleikjahléið.
Great news. Mark Nobles red card has been rescinded and he will be available to play against Newcastle. dg pic.twitter.com/LYJ2Wy43h6
— David Gold (@davidgold) September 2, 2015
Athugasemdir