Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   fim 02. október 2014 14:30
Magnús Már Einarsson
Halldór Orri: Silfurskeiðin mun setja ný viðmið í stuðningi
Tveir dagar í FH - Stjarnan
Halldór Orri Björnsson.
Halldór Orri Björnsson.
Mynd: Fótbolti.net - Hafliði Breiðfjörð
Slfurskeiðin verður í stuði á laugardaginn.
Slfurskeiðin verður í stuði á laugardaginn.
Mynd: Fótbolti.net - Eyjólfur Garðarsson
Halldór Orri Björnsson.
Halldór Orri Björnsson.
Mynd: Fótbolti.net - Hafliði Breiðfjörð
,,Ég er orðinn gríðarlega spenntur fyrir leiknum á laugardaginn. Það er magnað að fá úrslitaleik í síðustu umferðinni og það er ekki hægt að biðja meira um spennu," sagði Halldór Orri Björnsson leikmaður Falkenbergs í Svíþjóð í samtali við Fótbolta.net í dag.

Eftir að hafa verið í lykilhlutverki hjá Stjörnunni undanfarin ár ákvað Halldór Orri að söðla um síðastliðinn vetur og semja við Falkenbergs. Hann mun fylgjast spenntur með frá Svíþjóð þegar FH og Stjarnan mætast í úrslitaleik um Íslandsmeistaratititlinn á laugardag.

,,Ég og Gaui Baldvins ásamt fjölskyldum erum að fara að horfa á leikinn saman. Það verður allavega eitt gott stjörnupartý í Svíþjóð," sagði Halldór Orri.

,,Ég gæfi ansi mikið til að taka þátt í þessum leik. Það verður erfitt að sitja og horfa á þetta í sjónvarpinu en á sama tíma er hrikalega skemmtilegt að sjá strákana uppskera eftir sumarið og spila úrslitaleik um titilinn, eitthvað sem erfitt var að ímynda sér fyrir nokkrum árum."

Silfurskeiðin toppar sig á laugardag
Silfurskeiðin hefur sett mikinn svip sinn á leiki Stjörnunnar og Halldór Orri reiknar með að hún toppi stuðning sinn ennþá frekar á laugardag.

,,Ég held að það sé nokkuð ljóst að það verða sett ný viðmið hvað varðar stuðning á deildarleik á Íslandi á laugardaginn. Silfurskeiðin er náttúrulega í sérflokki á Íslandi og þeir hafa verið frábærir í sumar. Þeir toppuðu sig á Laugardalsvellinum á móti Inter þar sem þeir náðu að láta stúkurnar syngjast á."

,,Ég er pottþéttur á því að þeir nái að toppa sig enn frekar á laugardaginn. Mafían hlýtur líka að láta heyra í sér svona stórleik þannig að ég held að stuðningurinn verði frábær. Eitthvað segir mér líka að það gæti orðið action í stúkunni milli tveggja blóðheitra stuðningssveita."


Ingvar mun eiga stórleik
Halldór Orri er bjartsýnn fyrir leikinn á laugardag og spáir því að Stjarnan verði Íslandsmeistari í fyrsta skipti.

,,Bæði lið eiga eftir að fá færi í þessum leik og liðið sem nýtir færin sín vinnur þennan leik. Þetta eru tvö langbestu lið landsins að mætast. Þau eru bæði taplaus og þetta gæti farið á hvorn veginn sem er. Hef samt fulla trú á mínum mönnum og held að Stjarnan vinni 1-2 þar sem Ingvar verður með stórleik í markinu. Veigar og Óli skora fyrir okkur en Lennon fyrir FH."
Athugasemdir
banner
banner
banner
banner