Lars Lagerback og Heimir Hallgrímsson tilkynntu í dag íslenska landsliðshópinn sem mætir Lettum og Tyrkjum í undankeppni EM.
Sætið á EM er tryggt en Heimir hefur ekki áhyggjur af því að það verði erfitt að fá mótívera leikmenn fyrir komandi leiki.
„Við vonum ekki. Við vitum ekki fyrr en við byrjum hversu fókuseraðir menn eru en við teljum að þetta séu það miklir atvinnumenn að þeir fari í alla leiki í sama hátt og hingað til. Við ætlum í báða leikina til að vinna og þessir leikir verða ekki notaðir í tilraunastarfsemi," sagði Heimir við Fótbolta.net.
Sætið á EM er tryggt en Heimir hefur ekki áhyggjur af því að það verði erfitt að fá mótívera leikmenn fyrir komandi leiki.
„Við vonum ekki. Við vitum ekki fyrr en við byrjum hversu fókuseraðir menn eru en við teljum að þetta séu það miklir atvinnumenn að þeir fari í alla leiki í sama hátt og hingað til. Við ætlum í báða leikina til að vinna og þessir leikir verða ekki notaðir í tilraunastarfsemi," sagði Heimir við Fótbolta.net.
Hólmar Örn Eyjólfsson kemur inn í hópinn að þessu sinni. „Hann hefur staðið sig gríðarlega vel með Rosenborg. Við höfum fylgst með honum og beðið eftir tækifæri til að velja hann. Við viljum sjá hvernig hann verður í hópnum og þetta er gott tækifæri fyrir hann að sýna sig."
Vildu hafa fleiri í hópnum
Fleiri leikmenn eru að banka á dyrnar hjá Lars og Heimi. „Við vildum hafa fleiri í hópnum en það var samkomulagsatriði hjá okkur og KSÍ að hafa ekki fleiri í hópnum. Við ákváðum að hafa þetta 24 leikmenn, það er fínt upp á æfingar líka," sagði Heimir en nýir leikmenn gætu fengið að sanna sig í vináttuleikjum í nóvember.
„Það eru þónokkrir að standa sig vel í sínum liðum og vonandi fáum við tækifæri til að skoða þá í næsta mánuði."
Ánægður með sönginn á leikjum
Heimir vonast til að landsliðið þakki fyrir góðan stuðning á Laugardalsvelli með góðum leik gegn Lettum annan laugardag.
„Það er búið að vera yndislegt að taka þátt í þessari uppvakningu á Laugardalsvelli. Það er alltaf uppselt og allir syngjandi, sem er nýtt fyrir Íslendinga. Menn mæta í bláu og eru með fána og ýmislegt sem hefur bætt umgjörðina hér. Tólfan er síðan magnaðir drengir og stúlkur,"
Heimir hafði orð á því á fréttamannafundinum að Íslendingar væru duglegir að syngja á landsleikjum líkt og á Þjóðhátíð í Vestmannaeyjum. Hann vill hins vegar ekki meina að stemningin sé betri í Laugardalnum en í brekkunni í Eyjum. „Ég segi það ekki, en það nálgast alltaf," sagði Heimir léttur í bragði.
Hér að ofan má sjá viðtalið í heild sinni.
Athugasemdir